ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Ամերիկացի սուպերմոդել Ջիջի Հադիդն իր Instagram-ում ապագա գովազդային արշավից լուսանկար Է հրապարակել իտալական Versace լյուքս դասի բրենդի համար, տեղեկացնում Է «Արմենպրես»-ը: Մոդելը հագել Է նախշակար կարճ տաբատ, կարճ կիսավերարկու եւ գլխաշոր, որը բազմաթիվ մեկնաբանողներ որպես հիջաբ են ընըալել եւ հավանություն տվել:

Օգտատերերը Հադիդին գովասանքի խոսքեր են ասել ավանդական մուսուլմանական գլխաշոր կրելու համար: Մոդելն ինքը ոչ մի կերպ չի արձագանքել մեկնաբանություններին. լուսանկարին կից գրության մեջ նա նշել Է, որ իր համար շատ կարեւոր Է մասնակցել այդ գովազդային արշավին: Հադիդի Barocco Istante գլխաշորը Versace Tribute-ի ռետրո հավաքածուի մաս Է կազմում, որը ներկայացնում Է վերջին 25 տարում նորաձեւության տան ուղենիշային մոդելները: Աքսեսուարի գինը Եվրոպայում 360 եվրո Է: