Բժշկական համալսարանում 30 երկրից ավելի քան 1800 ուսանող է սովորում
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Երեւանի Մխիթար Հերացու անվան պետական բժշկական համալսարանում 30 երկրից ավելի քան 1800 ուսանող է սովորում:
«Արմենպրես»-ի հաղորդմամբ` համալսարանի ռեկտոր Արմեն Մուրադյանն ասաց, որ երբեւէ բժշկական համալսարանում նման ցուցանիշ չի գրանցվել: «Մենք մեր ուսանողներին տրամադրում ենք փաստացի միջազգային մակարդակի կրթական ծրագիր եւ կլինիկական գործունեություն, որտեղ ուսանողները ծանոթանում են նորագույն տեխնոլոգիաներին»,-ասաց նա:
Արմեն Մուրադյանի խոսքով`կլինիկաներում վերջին մեկ տարվա ընթացքում ակնառու են հստակ երեւացող ցուցանիշներ: «Հերացի» բժշկական համալիրում 30 տոկոսով նվազել է մահացության ցուցանիշը: Մուրացան հիվանդանոցում Ավստրիայում վերապատրաստված երիտասարդ մասնագետին հաջողվել է իրականացնել նորածնային վիրաբուժության մեջ ամենածանր խնդիրներից մեկը՝ նեկրոտիկ էնտերոկոլիտի ցուցանիշը հասցնել 0-ի»,-հավելեց ռեկտորը:
Բաժանորդագրվեք մեր ալիքին Telegram-ում