Ժամանակը Երևանում՝ 11:07:36,   20 Փետրվար

Մերկելը Թուրքիայի վարչապետի հետ կքննարկի կալանավորված գերմանացի լրագրողի հարցը


ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Թուրքիայի վարչապետ Բինալի Յըլդըրըմը փետրվարի 15-ին Բեռլինում կհանդիպի Գերմանիայի կանցլեր Անգելա Մերկելի հետ: Ինչպես հաղորդում է «Արմենպրես»-ը՝ վկայակոչելով գերմանական Deutsche Welle-ի թուրքական ծառայությունը, այս մասին հայտնել է Գերմանիայի կառավարության խոսնակ Շթեֆեն Զայբերտը:

Նա տեղեկացրել է, որ հանդիպմանը քննարկվելու են երկու երկրների հարաբերություններին առնչվող, ինչպես նաև միջազգային օրակարգում գտնվող հարցեր: Ակնկալվում է, որ Մերկել-Յըլդըրըմ հանդիպմանը Գերմանիայի կանցլերը օրակարգ կբերի նաև ավելի քան մեկ տարի Թուրքիայում կալանքի տակ գտնվող գերմանացի լրագրող Դենիզ Յուջելի հարցը: Վերջինս թուրքական իշխանությունների կողմից մեղադրվում է ահաբեկչություն քարոզելու մեջ: Ինքը՝ Յուջելը, հերքել է իր դեմ ներկայացված բոլոր մեղադրանքները:

Յըլդըրըմը հանդիպումից հետո մասնակցելու է Մյունխենի անվտանգության միջազգային համաժողովին, որին ներկա կլինի նաև Թուրքիայի արտգործնախարար Մևլութ Չավուշօղլուն:




Մրցույթ

«Մեկ անգամ Հայաստանում»

Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ