Ինն անօդաչուներ Մոսկվայի մարզում հետախուզում են Ան-148-ի կործանման վայրը
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Մոսկվայի մարզում ինն անօդաչուներ հետախուզում են Ան-148 ինքնաթիռի կործանման վայրը: Այդ մասին, ինչպես տեղեկացնում Է «Արմենպրես»-ը, հաղորդվում Է ՌԴ-ի արտակարգ իրավիճակների նախարարության (ԱԻՆ) կայքում:
«Այս պահին արտակարգ իրադրության հետեւանքների վերացմանը ներգրավված են 780 մարդ եւ 175 միավոր տեխնիկա, այդ թվում՝ գործի են դրված ինն անօդաչու թռչող ապարատներ»,- հայտնել են ԱԻՆ-ում:
Հաղորդման համաձայն՝ անօդաչուների միջոցով որոշվում են որոնողական աշխատանքների անցկացման հիմնական տեղերը: Բացի դրանից, ԱԻՆ-ը 20 ձյունագնաց Է տրամադրել արտակարգ իրադրության գոտում քննիչների, Միջպետական ավիացիոն կոմիտեի փորձագետների աշխատանքի համար:
Հավելվում Է, որ ԱԻՆ-ի ղեկավարի հանձնարարությամբ Մոսկվայից Օրենբուրգի մարզ Է մեկնել գերատեսչության ինքնաթիռը՝ միջգերատեսչական օպերատիվ խմբով: Դրա կազմում են Ռուսաստանի ԱԻՆ-ի, Քննչական կոմիտեի, աշխատանքի եւ սոցիալական պաշտպանության նախարարության եւ առողջապահության նախարարության ներկայացուցիչներ: Օրսկում զոհվածների հարազատներից կվերցնեն ԴՆԹ-ի նմուշներ՝ Մոսկվայում գենետիկական փորձաքննություն կատարելու համար, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում