Բրյուսելի BRAFA արվեստի տոնավաճառը հաճախելիության ռեկորդ Է սահմանել
15:56, 9 Փետրվար 2018
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Բրյուսելի BRAFA արվեստի տոնավաճառը վերստին հաճախելիության ռեկորդ Է սահմանել, այնտեղ այցելել Է 64 հազար մարդ, ինչպես նաեւ վաճառվել են Մարկ Շագալի, Պիտեր Պաուլ Ռուբենսի, Անիշ Քափուրի եւ այլ վարպետների գործեր: Այդ մասին, ինչպես տեղեկացնում Է «Արմենպրես»-ը, փետրվարի 9-ին «Ինտերֆաքս»-ին հայտնել են կազմակերպիչները:
«Տոնավաճառ Է այցելել 64 հազար մարդ, որը տեղի Է ունեցել հունվարի 27-ից մինչեւ փետրվարի 4-ը, նկատվել Է օտարերկրացի հանրության, ինչպես նաեւ երիտասարդ այցելուների քանակի ընդլյանում: Արվեստի ստեղծագործությունների վաճառքների գումարը գերազանցել Է անցյալ տարվա նույն ցուցանիշը»,- պատմել են կազմակերպիչները:
Տոնավաճառում վաճառված ամենաթանկ ցուցանմուշներից մեկը դարձել Է ամերիկացի նկարիչ Սայ Թվոմբիլի նկարը, որը ներկայացրել Էր Samuel Vanhoegaerden Gallery-ն: Նրա "Untitled Ramifications" նկարի արժեքը, որն ստեղծվել Է 1971 թվականին Հռոմում, կազմել Է 2,5 միլիոն եվրո:
2019 թվականին BRAFA-ն տեղի կունենա հունվարի 26-ից մինչեւ փետրվարի 3-ը Tour & Taxis համալիրում:
Բաժանորդագրվեք մեր ալիքին Telegram-ում