1000х90.jpg (78 KB)

Երևանում՝ 11:07,   28 Մարտ 2024

Կառավարությունը բացասական եզրակացություն տվեց «Ելք»-ի օրինագծին  

Կառավարությունը բացասական եզրակացություն տվեց «Ելք»-ի օրինագծին

 

ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: ՀՀ կառավարությունը բացասական եզրակացություն տվեց «Գույքահարկի մասին» Հայաստանի Հանրապետության օրենքում փոփոխություն կատարելու մասին» օրենքի նախագծին, որ ներկայացրել է ԱԺ «Ելք» խմբակցությունը:

ՀՀ ֆինանսների նախարար Վարդան Արամյանը նշեց, որ նույն օրենքն արդեն իսկ կառավարությունը մեկ անգամ ստացել է՝ 2017 թվականի օգոստոսին, տարբերությունը միայն օրենքի հիմնավորման փոփոխությունն է:  

«Եթե նախկինում պատգամավորներն ասում էին, որ օրենքի կարգավորման անհրաժեշտությունը նպատակ ունի կանխարգելելու Զինված ուժերի սպայական կազմի գործունեությունը, ապա այս նախագծում ուղղակի կապվում է նոր ընդունված երկու օրենքների հետ՝ Զինվորական ծառայության, զինծառայողի կարգավիճակի ու Պարտադիր ժամկետային զինվորական ծառայության օրենքների հետ: Պատգամավորները նշել են, որ այդ օրենքներում կան հասկացություններ, որոնք կարող են խնդիր առաջացնել զինվորական ծառայություն ունեցող քաղաքացիների գույքահարկի վճարման հետ կապված»,- «Արմենպրես»-ի փոխանցմամբ, ասաց նախարարը:

Արամյանի խոսքով՝ իրենց համար մի փոքր անհասկանալի է «Ելք»-ի քայլը: «Այնուամենայնիվ, մենք կրկնում ենք այն տեսակետը, որը նախկինում ենք ներկայացրել. նախագծով առաջարկում են համատարած բոլորին տրամադրել գույքահարկի արտոնություն, ընդ որում՝ ոչ միայն սեփական օգտագործման, այլ նաև հանրային նշանակության գույքերի նկատմամբ, ինչը ճիշտ չէ, որովհետև դրանք եկամուտներ են գեներացնում, և անկախ նրանից, թե որ ոլորտում է անձը զբաղված, այդ եկամուտները պետք է հարկվեն», - նշեց Վարդան Արամյանը՝ հավելելով, որ առաջարկվող փոփոխություններն աննպատակահարմար են:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]