Արդարադատության նախարարն ընդունել է Վենետիկի հանձնաժողովի և ԵԱՀԿ/ԺՀՄԻԳ ներկայացուցիչներին
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: ՀՀ արդարադատության նախարար Դավիթ Հարությունյանն այսօր ընդունել է Վենետիկի հանձնաժողովի և ԵԱՀԿ/ԺՀՄԻԳ ներկայացուցիչներին: Այս մասին «Արմենպրես»-ին տեղեկացրին ՀՀ արդարադատության նախարարության տեղեկատվության և հասարակայնության հետ կապերի վարչությունից:
Նախարար Հարությունյանն ընդգծել է պարբերական բնույթ ստացած մասնագիտական հանդիպումների օգտակարությունն ու կարևորությունը և միջազգային կառույցների ներկայացուցիչների հետ քննարկել «Խղճի ազատության և կրոնական կազմակերպությունների մասին» ՀՀ օրենքի նախագծի վերաբերյալ մի շարք հարցեր:
Մասնավորապես, արդարադատության նախարարը պատասխանել է փորձագետներին հետաքրքրող հարցերին, մանրամասն անդրադարձել օրենքի նախագծով առաջարկվող կարգավորումներին ու դրանց վերաբերյալ փորձագիտական խմբի առաջարկություններին:
Հանդիպման ավարտին Դավիթ Հարությունյանը շնորհակալություն է հայտնել միջազգային կառույցների ներկայացուցիչներին օրենքների նախագծերի մշակման աշխատանքներում արդյունավետ համագործակցության համար:
Բաժանորդագրվեք մեր ալիքին Telegram-ում