ՄԱԿ-ի գլխավոր քարտուղարը նախազգուշացրել Է ԻՊ-ի եւ «Ալ Քաիդա»-ի միաձուլման սպառնալիքի մասին
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: «Իսլամական պետություն» ահաբեկչական խմբավորումը պարտություն Է կրել մարտադաշտում եւ զրկվել ֆինանսավորման աղբյուրների 90 տոկոսից, բայց դեռեւս լուրջ սպառնալիք Է ներկայացնում: Այդ մասին, ինչպես տեղեկացնում Է «Արմենպրես»-ը, ասված Է ՄԱԿ-ի գլխավոր քարտուղար Անտոնիու Գուտերիշի նոր զեկույցում, որը փետրվարի 6-ին հրապարակվել Է կազմակերպության կայքում:
Համաշխարհային կազմակերպության վարչական ղեկավարը կոչ Է արել երկրներին՝ զգոնություն պահպանել ահաբեկչության դեմ մղվող պայքարում՝ նախազգուշացնելով մի քանի տարածաշրջաններում ԻՊ-ի եւ «Ալ Քաիդա» ցանցի հնարավոր միաձուլման մասին: «Չնայած անհաջողություններին, որոնք ԻՊ-ն կրում Է վերջին ժամանակներս, այդ խմբավորումն ու նրա մասնաճյուղերը դեռեւս լուրջ սպառնալիք են ներկայացնում աշխարհի տարբեր տարածաշրջաններում»,-գրել Է Գուտերիշը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում