ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի Կոնգրեսի Ներկայացուցիչների պալատը տեղական ժամանակով փետրվարի 6-ի երեկոյան հավանություն Է տվել մինչեւ մարտի 23-ը երկրի ֆեդերալ կառավարության գործունեության ժամանակավոր ֆինանսավորման երկարաձգման օրինագծին: Այդ մասին, ինչպես տեղեկացնում Է «Արմենպրես»-ը, վկայում են քվեարկության արդյունքները:

Փաստաթղթին «կողմ» Է քվեարկել 245 կոնգրեսական, «դեմ»՝ 182-ը: Օրինագիծը քննարկման Է ուղարկվել Սենատ:

Երեք շաբաթ առաջ դեմոկրատ սենատորները չպաշտպանեցին ֆինանսավորման երկարաձգման օրինագիծը, ինչը հանգեցրեց ԱՄՆ-ի ֆեդերալ կառավարության աշխատանքի եռօրյա ընդհատման:

Կառավարության գործունեության ներկայիս ֆինանսավորման ժամկետը լրանում Է փետրվարի 8-ին: Դեմոկրատները երկարաձգման պայման են դրել ներգաղթի հարցի շուրջը համաձայնությունը, որը լուրջ տարաձայնություններ Է առաջացնում կուսակցությունների միջեւ, հաղորդել Է «Ինտերֆաքս»-ը: