Հայաստան-Ալբանիա բասկետբոլային հանդիպման մրցավարների անունները հայտնի են
14:42, 1 Փետրվար 2018
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Փետրվարի 25-ին Հայաստանի ազգային հավաքականը Երևանում հյուրընկալելու է Ալբանիայի հավաքականին:
«Արմենպրես»-ի փոխանցմամբ` արդեն հայտնի է դարձել, թե ովքեր են սպասարկելու 2021թ. Եվրոպայի առաջնության նախընտրական փուլի այդ մրցավեճը: Գլխավոր մրցավարը Սերգեյ Կրուգն է Ռուսաստանից: Նրան կօգնեն Իլյա Պուտենկոն (Ռուսաստան) և Օֆեր Մանհեյմը (Իսրայել): Հանդիպման տեսուչը կլինի Թոդ Ուարնիկը (Իսրայել):
Հայաստան-Ալբանիա հանդիպումը կկայանա ԿԱ ՊԵԿ (նախկին՝ «Միկա») մարզահամալիրում և կսկսվի 19:00-ին: Մուտքն ազատ է:
Բաժանորդագրվեք մեր ալիքին Telegram-ում