1000х90.jpg (78 KB)

Երևանում՝ 11:07,   28 Մարտ 2024

Մասրիկ-1 արևային ֆոտովոլտային կայանի կառուցման մրցույթում պայքարում է միջազգային 10 կազմակերպություն

Մասրիկ-1 արևային ֆոտովոլտային կայանի կառուցման մրցույթում պայքարում է 
միջազգային 10 կազմակերպություն

ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Հայաստանն էներգետիկայի ոլորտում հավանաբար ամենաբարենպաստ օրենսդրությունն ունի աշխարհում և պատրաստ է կարգավորել այն բոլոր հարցերը, որոնք կարող են դժվարացնել 55 ՄՎտ հզորությամբ Մասրիկ-1 արևային ֆոտովոլտային կայանի ստեղծման գործընթացը: «Արմենպրես»-ի տեղեկացմամբ` այս մասին հայտարարեց ՀՀ էներգետիկ ենթակառուցվածքների և բնական պաշարների նախարարի տեղակալ Հայկ Հարությունյանը Գեղարքունիքի մարզում կառուցվելիք Մասրիկ-1 արևային ֆոտովոլտային ծրագրի նախամրցութային համաժողովի ժամանակ: Միջոցառման նպատակն է մրցույթի նախաորակավորման փուլն անցած բոլոր կազմակերպությունների հուզող հարցերին տալ համապարփակ պատասխան: «Այս մրցույթը ունիկալ է իր բնույթով, քանի որ կհաղթի այն ընկերությունը, որը կառաջարկի արտադրվելիք էլեկտրաէներգիայի նվազագույն սակագինը: Անցած տարվա ապրիլին է մրցույթը հայտարարվել, սկզբից նախաորակավորման փուլ անցկացվեց, 60-ից ավելի կազմակերպություն մասնակցեց, նախաորակավորման փուլն անցավ 10 լավագույն ընկերություն, բոլորի ներկայացուցիչներն այստեղ են: Մենք ունենք ընկերություններ Կորեայից, Չինաստանից, Հնդկաստանից, ԵՄ-ից, ԱՄՆ-ից»,-հայտնեց Հայկ Հարությունյանը:

Մրցույթի մասնակիցների շարքում չկա հայկական ընկերություն, քանի որ նախաորակավորման պայմանները շատ խիստ են եղել` կապված նմանատիպ ծրագրերի փորձի, ընկերության ֆինանսական վիճակի հետ: «Մեզ համար շատ կարևոր էր, որպեսզի հաղթողը կարողանա կառուցել կայանը: Աշխարհում շատ մրցույթներ են լինում, երբ նախաորակավորման փուլը սխալ կազմակերպելու արդյունքում գալիս են փոքր ու չփորձված ընկերություններ, տալիս են ցածր գին, որը հետո չի իրագործվում, կայանը չի կառուցվում, պետությունը մի քանի տարի ապարդյուն ժամանակ է ծախսում»,-պարզաբանեց փոխնախարարը:

Հայկ Հարությունյանի խոսքով` մրցույթի համար պատրաստվել է 400 էջից բաղկացած փաթեթ, որի շրջանակում երեք խոշոր նոր փաստաթուղթ է մշակվել: Դրանից մեկը կառավարության աջակցությամբ պայմանագիրն է, երկրորդը էներգիայի գնման պայմանագիրն է, երրորդը` լիցենզայի գնման պայմանները: Ըստ Հայկ Հարությունյանի` այդ փաստաթղթերը կարող են օգտագործվել նաև հետագա կայանների կառուցման մրցույթների ժամանակ:

Ընկերությունը, որը կառաջարկի ամենացածր սակագինը, կհաղթի և կսկսի շինարարական աշխատանքները: Իսկ այն դեպքում, եթե չիրագործի ծրագիրը, խոշոր տույժ-տուգանքների կենթարկվի:

Ծրագրի արդյունքում կստեղծվի 55 մեգավատանոց կայանը, որը տարեկան մոտ 80-90 միլիոն կիլովատ ժամ էլեկտրաէնեգիա կարտադրի, դա Հայաստանի ամբողջ արտադրության 1.5 տոկոսն է: «Այս կայանով լուրջ ներդրում կունենանք վերականգնող էներգետիկայի զարգացման առումով, մեր վերջնական նպատակն է ունենալ ոլորտի վրա դրական ազդեցություն ունեցող մրցունակ սակագին»,-հավելեց փոխնախարարը:

2017 թվականին Հայաստանում էներգարտադրությունն աճում է 6 տոկոսով, արտահանման աճը 17 տոկոս է, սպառման աճը` 4 տոկոս: Ներկայում երկրում առկա է 185 արևային կայան, 36-ը կառուցվում են այս պահին:  


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]