Պուտինն ուղերձ Է հղել Սոչիի համաժողովի մասնակիցներին
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Սոչիում աշխատող Սիրիական ազգային երկխոսության կոնգրեսը հնարավորություն Է ընձեռում իրագործել պատերազմը դադարեցնելու եւ ահաբեկչությունը վերջնականապես արմատախիլ անելու սիրիացիների ձգտումը: Այդ մասին ասված Է համաժողովի մասնակիցներին ՌԴ նախագահ Վլադիմիր Պուտինի հղած ուղերձում, որի տեքստն ընթերցել Է ՌԴ արտաքին գործերի նախարար Սերգեյ Լավրովը, տեղեկացնում Է «Արմենպրես»-ը՝ հղում անելով ՏԱՍՍ-ին:
«Ձեր համաժողովը կոչված Է վերստին համախմբելու Սիրիայի ժողովրդին գրեթե յոթնամյա զինված հակամարտությունից հետո, որը հարյուր հազարավոր մարդկանց կյանքեր խլեց, միլիոնավոր քաղաքացիների հարկադրեց լքել իրենց հայրենիքը,-հայտարարել Է Ռուսաստանի ղեկավարը:-Լավ հնարավորություն Է ընձեռված իրագործելու եղբայրասպան պատերազմը դադարեցնելու, ահաբեկչությունը վերջնականապես արմատախիլ անելու, բնականոն կյանքի վերադառնալու սիրիացիների ձգտումը»:
Պուտինը նաեւ նշել Է, որ այսօր ստեղծված են պայմաններ՝ շրջելու Սիրիայի պատմության ողբերգական Էջը:
Բաժանորդագրվեք մեր ալիքին Telegram-ում