Facebook եւ Google սոցցանցերն սպառնալիք են հասարակության համար. Սորոս
14:29, 26 Հունվար 2018
ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: Միլիարդատեր Ջորջ Սորոսը՝ ելույթ ունենալով Դավոսի Միջազգային տնտեսական համաժողովում, հայտարարել Է, թե Facebook եւ Google սոցցանցերն սպառնալիք են ներկայացնում հասարակության համար: Միլիարդատիրոջ խոսքը փոխանցել Է Business Insider-ը, տեղեկացնում Է «Արմենպրես»-ը:
«Դրանք լկտիաբար կախվածություն են ներդնում իրենց ծառայությունների մեջ: Դա կարող Է շատ վնասակար լինել, առանձնապես երիտասարդության համար: Նմանություն կա ինտերնետ-պլատֆորմների եւ մոլեխաղերի միջեւ: Խաղատները մշակել են խաղորդներից նրանց բոլոր փողերը, նույնիսկ այն փողերը կորզելու միջոցներ, որոնք նրանք չունեն»,- հայտարարել Է գործարարը:
Բացի դրանից, նրա կարծիքով՝ Facebook-ը եւ Google-ն «մենաշնորհ են ստեղծում մարդկանց ազատության նկատմամբ»:
«Սոցցանցերը մարդկանց ստիպում են հրաժարվել ինքնուրույնությունից, իսկ մարդկանց ուշադրությունը գրավող ուժն ավելի ու ավելի Է կենտրոնանում ոչ մեծ թվով ընկերությունների ձեռքին»,- գանգատվել Է Սորոսը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում