Երևանում՝ 11:07,   4 Մարտ 2024

Վահրամ Բաղդասարյանի և Խոսրով Հարությունյանի օրենսդրական նախաձեռնությունն արժանացավ կառավարության հավանությանը  

Վահրամ Բաղդասարյանի և Խոսրով Հարությունյանի օրենսդրական նախաձեռնությունն 
արժանացավ կառավարության հավանությանը

 

ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Կառավարությունը հավանություն տվեց ՀՀ ԱԺ «Հանրապետական» խմբակցության պատգամավորներ Վահրամ Բաղդասարյանի ու Խոսրով Հարությունյանի ներկայացրած «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» օրենքի նախագծին: «Երբ օրեր առաջ Ազգային ժողովում քննարկումներ և լսումներ եղան գնաճի շուրջ, այս հարցը ևս արծարծվեց, և Խոսրով Հարությունյանը հարց բարձրացրեց, որ նոր հարկային օրենսգրքի շրջանակում հնարավոր է որոշակի հարկման բեռի բարձրացում լինի ուղևորափոխադրումային ծառայություններ մատուցող ընկերությունների համար: Մեր պատասխանն այն էր, որ մենք այդ փոփոխությունները անելով՝ երբեք չենք ունեցել ֆիսկալ նպատակ, այսինքն՝ չենք ակնկալել, որ այդտեղից ունենալու ենք եկամուտների էական բարձրացում, ուղղակի խնդիրը նրանում է, որ 2012-2013 թվականից մեր քաղաքականությունը եղել է այն, որ երկու ռեժիմները ներդաշնակեինք. խոսքը վերաբերում է հաստատագրված և արտոնագրային վճարին, և աստիճանաբար հաստատագրված վճարից անցում ենք կատարել արտոնագրային վճարի»,- «Արմենպրես»-ի փոխանցմամբ, ասաց ՀՀ ֆինանսների նախարար Վարդան Արամյանը:

Նրա խոսքով՝ արտոնագրային վճարը չի ունեցել ճշգրտիչ գործակիցներ, քանի որ համակարգն այդպիսին է եղել, իսկ փոփոխությունների արդյունքում որոշակի ճգրտում, «թեթև բարձրացում», հնարավոր է, լինի: 

«Մեր գործընկերներն, իհարկե, այս օրենսդրական նախաձեռնությունով առաջարկում են, որ այդ շտկման արդյունքում վերականգնվի 2017 թվականին նոր հարկման բեռը արտոնագրային վճարների մասով ուղևորափոխադրումներ իրականցնող տրանսպորտային միջոցների համար: Այդ մասով մենք դիտողություններ չունենք, կողմ ենք», - ասաց նա:

Արամյանի խոսքով՝ նախագծի նկատմամբ մոտեցումը դրական և նախաձեռնությունը կառավարության ընդհանուր սկզբունքների ներքո է:


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]