Փարիզում Սենա գետի վարարման պատճառով երկաթուղային կայարաններ են փակվել
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Ֆրանսիայի մայրաքաղաք Փարիզում Սենա գետի վարարման պատճառով հեղեղման վտանգի կապակցությամբ հունվարի 24-ին փակվել Է մերձքաղաքային արագընթաց գնացքների վեց կայարան: Այդ մասին, ինչպես տեղեկացնում Է «Արմենպրես»-ը, գրել Է Le Parisien թերթը:
SNCF ֆրանսիական երկաթուղային ընկերությունում հայտարարել են, որ նման միջոցներ են ձեռնարկվել, որպեսզի «ապահովվի ուղեւորների անվտանգությունը»: Սենայի ջրի մակարդակը վերջին մի քանի օրերին հասել Է 5 մետրի նշագծին: Ինչպես նշում Է հրատարակությունը, սպասվում Է, որ հանգստյան օրերին Փարիզում իրադրությունն ավելի կվատանա, ջրի մակարդակը կհասնի 6,2 մետրի:
Սենայի վարարման հետեւանքով հեղեղված են բազմաթիվ ճանապարհներ: Լուվրի եւ Օրսե թանգարանի ղեկավարությունը, որոնք գտնվում են գետափի անմիջական մերձակայքում, հայտնել Է, որ հեղեղման վտանգի պատճառով արվեստի գործերը ստորին հարկերից տեղափոխփու են վերին հարկեր:
Սակայն տեւական տեղատարափներից առաջացած հեղեղումների խնդիրը ծառացած Է ոչ միայն Փարիզի տարածաշրջանում:
Le Parisien-ը գրում Է, որ տեղական օդերեւութաբանական ծառայությունները վտանգի բարձր՝ նարնջագույն մակարդակ են հայտարարել Ֆրանսիայի 23 դեպարտամենտներում, որոնք գտնվում են երկրի արեւելքում եւ հյուսիս-արեւելքում, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում