Ժամանակը Երևանում՝ 11:07:36,   23 Մայիս

ԵԽԽՎ քաղաքական հարցերի հանձնաժողովի նախագահ է ընտրվել Նիդերլանդների ներկայացուցիչը


ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Եվրոպայի խորհրդի խորհրդարանական վեհաժողովի քաղաքական հանձնաժողովի նախագահ է ընտրվել Նիդերլանդները ներկայացնող Ռիե Օմենռուտենը: «Արմենպրես»-ի հետ զրույցում այս մասին հայտնեց ԵԽԽՎ հայաստանյան պատվիրակության ղեկավար Արփինե Հովհաննիսյանը:

«Այսօր ԵԽԽՎ քաղաքական հանձնաժողովում պետք է տեղի ունենար հանձնաժողովի նախագահի ընտրություն: Երեկ կայացած քվեարկության արդյունքում առաջադրվել էր հունգարացի պատվիրակի թեկնածությունը, սակայն այսօր Նորվեգիայի պատվիրակության ղեկավարի կողմից հանձնաժողովի նիստում առաջադրվեց երեկ ԵԺԿ խմբի նախագահի թեկնածու համարվող և  47, այսինքն՝ հավասար քվե ստացած Ռիե Օմենռուտենի թեկնածությունը»,- ասաց Հովհաննիսյանը:

Գաղտնի քվեարկության արդյունքում հունգարացի պատվիրակը ստացել է 22, իսկ Օմենռուտենը՝ 30 ձայն, ինչի արդյունքում ԵԽԽՎ քաղաքական հանձնաժողովի նախագահ է ընտրվել Նիդերլանդերի ներկայացուցիչը:




Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ