Ժամանակը Երևանում՝ 11:07:36,   14 Օգոստոս 2022

Հայաստանում Կովկասի բնության հիմնադրամը ավելի քան 600 հազար եվրո կհատկացնի հատուկ պահպանվող տարածքներին

Հայաստանում Կովկասի բնության հիմնադրամը ավելի քան 600 հազար եվրո 
կհատկացնի հատուկ պահպանվող տարածքներին

ԵՐԵՎԱՆ, 23 ՀՈւՆՎԱՐԻ, ԱՐՄԵՆՊՐԵՍ։ Հայաստանում Կովկասի բնության հիմնադրամը նախատեսում է ավելի քան 600 հազար եվրո ֆինանսավորում հատկացնել հատուկ պահպանվող տարածքների համար։

«Արմենպրես»-ի հաղորդմամբ՝ այս մասին լրագրողների հետ զրույցում ասաց Հայաստանում Կովկասի բնության հիմնադրամի ազգային համակարգող Արման Վերմիշյանը։

«2018 թվականի ծրագրերն առայժմ քննարկվում են, սակայն այս պահի դրությամբ մոտ 600 հազար եվրո գումար է հաստատված։ Ամենայն հավանականությամբ, թիվը կավելանա, երբ վերջնական պարզ կլինեն  ծրագրերը։ Հատուկ պահպանվող տարածքներում ընթացիկ աշխատանքներն իրականացնելու համար անհրաժեշտ ամեն ինչ մենք ֆինանսավորելու ենք՝ աշխատավարձի հավելավճար, բենզին, կոմունալ ծախսեր և այլն։ 2010-2017թթ-ին մեր հիմնադրամը 25 ավտոմեքենա է գնել այս տարածքների համար, ինչպես նաև մեկ միկրոավտոբուս և մեկ տրակտոր»,- նշեց Վերմիշյանը և հավելեց, որ իրենք իրականացնում են նաև զարգացման որոշակի ծրագրեր։

2017 թվականին «Խոսրովի անտառ արգելոց»-ում հիմնադրամը սկսել է ջերմոցի կառուցում, որը շուտով կավարտվի, ֆինանսավորել է «Դիլիջան ազգային պարկում» տրանսկովկասյան արահետի կառուցումը։

2009 թվականին Հայաստանում Կովկասի բնության հիմնադրամը՝ Հայաստանի Հանրապետության կառավարության հատ՝ ի դեմ ՀՀ բնապահպանության նախարարության, շրջանակային համաձայնագիր է կնքել։ Հիմնադրամը ստեղծված է տարածաշրջանի ԲՀՊՏ-ների  ֆինանսավորման համար։ 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]