8,2 մագնիտուդով երկրաշարժ Է տեղի ունեցել Ալյասկայի ափերի մոտ
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: 8,2 մագնիտուդով երկրաշարժ Է հունվարի 23-ին տեղի ունեցել ԱՄՆ-ի Ալյասկայի նահանգի ափերի մոտ, ցունամիի սպառնալիք Է հայտարարված: Այդ մասին, ինչպես տեղեկացնում Է «Արմենպրես»-ը, հայտնել Է ԱՄՆ-ի Երկրաբանական ծառայությունը:
Ծառայությունը նախ հայտնել Է, որ ստորգետնյա ցնցումների մագնիտուդը կազմել Է 8,0, սակայն ավելի ուշ գնահատականը բարձրացվել Է մինչեւ 8,2:
Երկրաշարժի Էպիկենտրոնը գտնվում Էր Ալյասկայի ծոցում՝ Կադյակ քաղաքից 278 կիլոմետր հարավ-արեւելք ընկած շրջանում: Օջախը 19 կիլոմետր խորության վրա Էր:
Ինչպես հայտնել Է Ցունամիների նախազգուշացման ամերիկյան ազգային կենտրոնը, ցունամիի սպառնալիք Է հայտարարված ԱՄՆ-ի Ալյասկայի, Վաշինգտոնի եւ Հավայիի նահանգների, Կանադայի խաղաղօվկիանոսյան ափի համար, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում