ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Թենիսի Ավստրալիայի բաց առաջնության գործող չեմպիոն Ռոջեր Ֆեդերերը շարունակում է պայքարը:

«Արմենպրես»-ի հաղորդմամբ` Ավստրալիայի բաց առաջնության 3-րդ շրջանում շվեյցարացի Ռոջեր Ֆերերի մրցակիցը Ֆրանսիան ներկայացնող Ռիշար Գասկեն էր: 1 ժամ 59 րոպե ձգված մրցախաղում Ֆեդերերը հաղթեց 2:6, 5:7, 4:6 հաշվով:

Ավստրալիայի բաց առաջնությունը «Մեծ սաղավարտ»-ի տարվա 4 մրցաշարերից (Ավստրալիայի, ԱՄՆ-ի, Ֆրանսիայի բաց առաջնություններ և Ուիմբլդոն) առաջինն է: Այն կեզրափակվի հունվարի 28-ին: «Australian Open»-ի ընդհանուր մրցանակային ֆոնդը կազմում է 43 միլիոն ԱՄՆ դոլար: 2017 թվականին մրցաշարի տղամարդկանց մենախաղերի հաղթող դարձավ շվեյցարացի Ռոջեր Ֆեդերերը, իսկ կանանց մենախաղերում` Սերենա Ուիլյամսը (ԱՄՆ):