Թինա Կարապետյան-Սիմոն Սենեկալ պարային զույգը դուրս եկավ գեղասահքի Եվրոպայի առաջնության եզրափակիչ
22:05, 19 Հունվար 2018
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Մոսկվայում ընթացող գեղասահքի Եվրոպայի առաջնությունում այսօր պարային զույգերը հանդես եկան կարճ ծրագրով:
«Արմենպրես»-ի հաղորդմամբ՝ այս մասին գրում է ՀԱՕԿ-ը: Քսաներեք երկրի 30 զույգերի պայքարում Հայաստանը ներկայացրեց Թինա Կարապետյան/Սիմոն Պրու Սենեկալ զույգը:
Գեղասահորդները 51.77 միավորով զբաղեցրին 20-րդ տեղը եւ անցան որակավորման փուլը: Եզրափակիչ անցել է 20 զույգ:
Ուժեղագույն պարային զույգերի եռյակում են՝ Գաբրիելա Պապադակիս/Գիյոմ Սիզերոն (Ֆրանսիա, 81.29), Ալեքսանդրա Ստեպանովա/Իվան Բուկին (ՌԴ, 75.38), Աննա Կապելլինի/Լուկա Լանոտե (Իտալիա, 74.76): Հունվարի 20-ին գեղասահորդները հանդես կգան ազատ ծրագրով:
Բաժանորդագրվեք մեր ալիքին Telegram-ում