Ալեքսիս Սանչեսի ընտանիքն արդեն Մանչեսթերում է
21:51, 18 Հունվար 2018
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Չիլիացի մարզական լրագրող Մաքս Կարդենասը թվիթերյան իր էջի միջոցով անդրադարձել է Ալեքսիս Սանչեսի՝ «Արսենալ»-ից «Մանչեսթեր Յունայթեդ» տեղափոխության վերջին զարգացումներին:
«Ալեքսիսի ընտանիքն ու ընկերներն արդեն Մանչեսթերում են ու սպասում են նրա պայմանագրի ստորագրմանը: Սանչեսը եղբոր ու գործակալի հետ սպասում է Լոնդոնում»,- «Արմենպրես»-ի փոխանցմամբ, գրել է Կարդենասը:
Բրիտանական աղբյուրներն իրենց հերթին հայտնում են, որ Լոնդոնում է գտնվում Հայաստանի ազգային հավաքականի և «Մանչեսթեր Յունայթեդ»-ի կիսապաշտպան Հենրիխ Մխիթարյանի գործակալ Մինո Ռայոլան՝ հայազգի ֆուտբոլիստի տեղափոխության վերջին հարցերը համաձայնեցնելու համար:
Բաժանորդագրվեք մեր ալիքին Telegram-ում