1000х90.jpg (78 KB)

Երևանում՝ 11:07,   29 Մարտ 2024

Շարմազանովը ԼՂ բանակցություններում առաջընթացի պայման է համարում Վիեննայի, Սանկտ Պետերբուրգի և Ժնևի պայմանավորվածությունների կատարումը

Շարմազանովը ԼՂ բանակցություններում առաջընթացի պայման է համարում Վիեննայի, 
Սանկտ Պետերբուրգի և Ժնևի պայմանավորվածությունների կատարումը

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Լեռնային Ղարաբաղի հակամարտության խաղաղ կարգավորման բանակցություններում առաջընթացի հասնելու համար առաջին հերթին հարկավոր է կյանքի կոչել Վիեննայի, Սանկտ Պետերբուրգի և Ժնևի պայմանավորվածությունները: ՀՀԿ ԳՄ նիստից հետո լրագրողների հետ հանդիպմանն այս մասին ասաց ՀՀԿ խոսնակ, Ազգային ժողովի փոխնախագահ Էդուարդ Շարմազանովը: «Առանց այդ պայմանավորվածությունների իրականացման անհնար է ակնկալել լուրջ առաջընթաց բանակցային գործընթացում»,- «Արմենպրես»-ի հաղորդմամբ՝ նշեց Շարմազանովը:

ՀՀ ԱԺ փոխնախագահը ցավով ընդգծեց, որ Հայաստանի և Ադրբեջանի նախագահների, արտաքին գործերի նախարարների հանդիպումներից առաջ Արցախի պաշտպանական դիրքերի, Հայաստանի սահմանամերձ բնակավայրերի ուղղությամբ կրակոցներն ադրբեջանական կողմի համար տխուր ավանդույթ են դարձել: Նրա խոսքով՝ սա ևս մեկ անգամ ցույց է տալիս, որ Ադրբեջանը պատրաստ չէ կառուցողական բանակցությունների: «Այդ երկիրը մի բան ասում է հանդիպումների ժամանակ, այլ վարքագիծ է դրսևորում հանդիպումներից հետո»,- եզրափակեց ՀՀ ԱԺ փոխնախագահը:


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]