1000х90.jpg (78 KB)

Երևանում՝ 11:07,   28 Մարտ 2024

ՀՀ ԱՆ ՔԿՎ-ն ներկայացրել է քրեակատարողական հիմնարկներում թմրամիջոցների հայտնաբերման հունվարի 16-ի ամփոփագիրը

ՀՀ ԱՆ ՔԿՎ-ն ներկայացրել է քրեակատարողական հիմնարկներում թմրամիջոցների 
հայտնաբերման հունվարի 16-ի ամփոփագիրը

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: «Նուբարաշեն» քրեակատարողական հիմնարկի աշխատակիցները, օպերատիվ տվյալներն իրացնելով, հունվարի 11-ի ժամը 14:30-ին կալանավորված անձ Ա. Ն.-ին քաղաքացի Կ. Մ.-ի կողմից բերված հանձնուքի միջից հայտնաբերել և առգրավել են կասկածելի զանգվածով լցված ծխախոտի 4 տուփ:

Ինչպես «Արմենպրես»-ին տեղեկացրին ՀՀ արդարադատության նախարարության քրեակատարողական վարչության հանրային կապերի բաժնից, Հունվարի 15-ին` ժամը 12:40-ին, ՀՀ ԱՆ «Նուբարաշեն» քրեակատարողական հիմնարկի աշխատակիցները, օպերատիվ տվյալներն իրացնելով, դատապարտյալ  Վ. Վ.-ին տեսակցության եկած քաղաքացուհի Գ. Դ.-ի մոտից անձնական խուզարկությամբ հայտնաբերել և առգրավել են պոլիէթիլենային թափանցիկ տոպրակով փաթեթավորված սպիտակ փոշենման զանգված` ընդհանուրը 25.2 գրամ քաշով:

Հունվարի 16-ին` ժամը 13:00-ին, ՀՀ ԱՆ «Կոշ» քրեակատարողական հիմնարկի դատապարտյալ Վ. Գ.-ին ՔԿՀ աշխատակիցները օրենքով սահմանված կարգով եղբոր հուղարկավորությանը մասնակցելու նպատակով կարճատև մեկնումից հիմնարկ վերադառնալուց հետո ենթարկել են անձնական խուզարկության: Վերջինիս մոտից հայտնաբերել և առգրավել են 2.2 գրամ կանաչավուն զանգված, 0.3 գրամ «B8» գրառմամբ դեղահաբ և 0.7 գրամ «Մետանֆիտամին» գրառմամբ դեղահաբեր:

Հայտնաբերվածն ուղարկվել է դատաքիմիական փորձաքննության:

Կատարվում է հետաքննություն:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]