Ամստերդամի օդանավակայանը բոլոր չվերթերը չեղարկել Է ձնաբքի պատճառով
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Ամստերդամի Սհիփոլ օդանավակայանը հունվարի 18-ին բոլոր չվերթերը չեղարկել Է Եվրոպայում մոլեգնած ձնաբքի պատճառով, տեղեկացնում Է «Արմենպրես»-ը: «Նկատի առնելով վատ եղանակային պայմանները՝ ամբողջ օդային երթեւեկությունը դադարեցված Է մինչեւ նոր կարգադրություն»,- ասված Է հաղորդագրության մեջ, որը զետեղված Է Twitter-ում օդանավակայանի պաշտոնական օգտահաշվում:
Նիդեռլանդների օդերեւութաբանական ծառայությունն ավելի վաղ նախազգուշացում Է տարածել ձնահողմի պատճառով վտանգի բարձրագույն մակարդակի վերաբերյալ: Ծառայության տվյալներով՝ քամու պոռթկումների արագությունը տեղ-տեղ կարող Է հասնել ժամում 140 կիլոմետրի:
Նիդեռլանդներում գնացքների երթեւեկությունը նույնպես իրականացվում Է ընդհատումներով: Նիդեռլանդները Եվրոպայի միակ երկիրը չԷ, որտեղ մոլեգնել Է ձնաբուքը: AP գործակալությունը գրում Է, որ Գերմանիայի արեւմտյան եւ հյուսիսային շատ շրջաններում փակ են դպրոցները: Տեղի բնակիչներին խորհուրդ Է տրվում դուրս չգալ իրենց տներից, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում