ՏՄՊՊՀ անդամների համար սահմանվում են լրացուցիչ չափանիշներ
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Կառավարությունը հավանություն տվեց «Տնտեսական մրցակցության պաշտպանության մասին» ՀՀ օրենքում փոփոխություններ կատարելու մասին» ՀՀ օրենքի նախագծին: Արդարադատության նախարար Դավիթ Հարությունյանը նշեց, որ նախագիծն ուղղված է օրենքը ՀՀ սահմանադրությանը համապատասխանեցնելուն:
«Արդյունքում կապահովվի ինքնավար մարմիններին վերաբերող բարեփոխումների իրականացումը փոփոխված Սահմանադրության համատեքստում: Նախագծով սահմանվում են նաև հանձնաժողովի անդամների կրթությանը և աշխատանքային փորձին վերաբերող լրացուցիչ չափանիշներ»,- «Արմենպրես»-ի հաղորդմամբ, ասաց Հարությունյանը:
ՏՄՊՊՀ նախագահ Արտակ Շաբոյանը վարչապետ Կարեն Կարապետյանին խնդրեց երկու օր ժամանակ տալ՝ Կենտրոնական բանկի հետ նախագիծը լրացուցիչ քննարկելու և որոշ շտկումներ կատարելու համար:
Բաժանորդագրվեք մեր ալիքին Telegram-ում