Ռադան օրենք ընդունեց Դոնբասի վերաինտեգրացման մասին
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Ուկրաինայի խորհրդարանն ամբողջությամբ ընդունել Է Դոնբասի վերաինտեգրացման մասին նախագահական օրինագիծը, որտեղ Ռուսաստանը կոչված Է «ագրեսոր»: Հունվարի 18-ին այս որոշումը պաշտպանել Է 280 խորհրդարանական՝ անհրաժեշտ առնվազն 226 ձայնի դեպքում, տեղեկացնում Է «Արմենպրես»-ը:
Փաստաթուղթը դեռ պետք Է ստորագրի Ուկրաինայի նախագահը: Այն ուժի մեջ կմտնի պաշտոնական մամուլում դրա հրապարակման հաջորդ օրվանից: Օրենքի համաձայն՝ Դոնբասի՝ Կիեւի վերահսկողության տակ չգտնվող տարածքները ճանաչվում են «բռնազավթված» տարածքներ: Օրինագծում Ռուսաստանը հիշատակվում Է որպես «ագրեսոր-երկիր»:
Փաստաթղթում, առաջին ընթերցմամբ քննարկման արդյունքներով, հանվել Է հակամարտության կարգավորման համար Մինսկի համաձայնությունների իրագործման գերակա նշանակության կետը: Դրա փոխարեն առաջարկվում Է հենվել ՄԱԿ-ի Անվտանգության խորհրդի՝ Դոնբասին նվիրված բանաձեւի վրա:
Օրենքը նախագահին իրավունք Է տալիս խաղաղ ժամանակ տարածաշրջանում զինված ուժեր օգտագործել երկրի ինքնիշխանության ապահովման միջոցներ իրագործելու համար: Դա, ինչպես նշում Է ՌԻԱ Նովոստին, թույլ կտա օրինականացնել արեւելքում բանակի կիրառումն առանց պատերազմի հայտարարման:
Բաժանորդագրվեք մեր ալիքին Telegram-ում