ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Լոնդոնի «Արսենալ»-ի կիսապաշտպան Ալեքսիս Սանչեսին մեկ քայլ է մնում  «Մանչեսթեր Յունայթեդ» տեղափոխվելու համար: «Արմենպրես»-ի փոխանցմամբ, The Telegraph-ը տեղեկացնում է, որ չիլիացի ֆուտբոլիստը համաձայնեցրել է «Մանչեսթեր Յունայթեդ»-ի հետ 4,5 տարվա պայմանագիրը՝ տարեկան 14 մլն ֆունտ աշխատավարձով:

Ի տարբերություն Սանչեսի՝ Հայաստանի ազգային հավաքականի կիսապաշտպան Հենրիխ Մխիթարյանը դեռևս համաձայնություն չի տվեց «Արսենալ» տեղափոխությանը և Սանչեսի գործարքը հետաձգվում է միայն հայազգի կիսապաշտպանի դիրքավորման արդյունքում:

Սանչեսն «Արսենալ»-ի կազմում անցկացրել է 166 խաղ և դարձել 80 գոլի հեղինակ՝ կատարելով 46 գոլային փոխանցում: Ավելի վաղ նա հանդես է եկել «Ռիվեր Փլեյթ»-ոմ, «Ուդինեզե»-ում և «Բարսելոնա»-ում: