ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Չեխիայի կառավարությունը հրաժարական Է տվել: Այդ մասին, ինչպես տեղեկացնում Է «Արմենպրես»-ը, վարչապետ եւ դոլարային միլիարդատեր Անդրեյ Բաբիշը հայտնել Է նախարարների կաբինետի նիստից հետո կայացած մամուլի ասուլիսում:

Նախօրյակին Չեխիայի խորհրդարանը ձայների մեծամասնությամբ մերժել Է վստահություն հայտնել կառավարությանն այն կապակցությամբ, որ ոստիկանությունը հետաքննություն Է վարում Բաբիշի նկատմամբ, որին կասկածում են ֆիրմաներից մեկի համար անօրինականորեն Եվրամիության 2 մլն եվրոյի չափով սուբսիդիաներ ստանալու մեջ: «Կառավարությունը որոշում Է ընդունել հրաժարական տալ, համապատասխան փաստաթուղթը ես նախագահին անձամբ կհանձնեմ Պրահայի գրադում, նրան կխնդրեմ ժամանակ գտնել մեր հանդիպման համար»,-հայտարարել Է Բաբիշը:

Ավելի վաղ նախագահ Միլոշ Զեմանը հայտարարել Էր, որ Բաբիշին՝ որպես ANO շարժման առաջնորդ, որը հաղթանակ Է տարել խորհրդարանի հոկտեմբերյան ընտրություններում, կհանձնարարի երկրորդ անգամ փորձել կառավարություն կազմել, հաղորդել Է ՌԻԱ Նովոստին: