ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Եվրահանձնաժողովի ղեկավար Ժան Կլոդ Յունկերը կցանկանար, որ Մեծ Բրիտանիան լինի Եվրամիության անդամ: Այդ մասին, ինչպես տեղեկացնում Է «Արմենպրես»-ը, նա ասել Է Ստրասբուրգում՝ Եվրախորհրդարանում ունեցած ելույթի ժամանակ, որը հեռարձակվում Էր Եվրահանձնաժողովի ծառայությունների կողմից:

«Իմ մեջ մնում Է այն զգացողությունը, որ Մեծ Բրիտանիայի դուրս գալը աղետ Է: Մենք կցանկանայինք, որ նրանք մնային: Եվ եթե նրանք դա ցանկանան, նրանց պետք Է տրվի այդ հնարավորությունը: Նույնիսկ եթե նրանք դուրս գան ըստ 50-րդ հոդվածի, 94-րդ հոդվածը նրանց հնարավորություն կտա կրկին մտնել Եվրամիություն»,-ասել Է Յունկերը:

ԵՄ-ի կազմից Մեծ Բրիտանիայի դուրս գալու պայմանների շուրջ Լոնդոնի եւ Բրյուսելի միջեւ բանակցությունները Բելգիայի մայրաքաղաքում սկսվել են հունիսի 19-ին, այն բանից գրեթե մեկ տարի անց, երբ Միացյալ Թագավորությունում այս հարցի շուրջ անցկացված հանրաքվեում 51,9 տոկոս արդյունքով հաղթանակ տարան եվրաինտեգրացման հակառակորդները:

Երկխոսությունը պետք Է շարունակվի մինչեւ 2018 թվականի նոյեմբեր, ինչից հետո կողմերը կես տարի կունենան ձեռք բերված պայմանավորվածություններն ազգային խորհրդարաններում վավերացնելու համար: Բուն Brexit-ը պետք Է իրագործվի 2019 թվականի մարտի 29-ին Լոնդոնի ժամանակով ժամը 23:00-ին կամ կենտրոնաեվրոպական ժամանակով ժամը 00:00-ին, հաղորդել Է ՌԻԱ Նովոստին: