«Արարատ» հոկեյի ակումբը պարտվել և ոչ-ոքի է խաղացել Բելառուսի առաջնությունում
14:03, 17 Հունվար 2018
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Երևանի «Արարատ» հոկեյի ակումբը շարունակում է ելույթները Բելառուսի առաջնությունում:
«Արմենպրես»-ի հաղորդմամբ` այս մասին գրում է ՀԱՕԿ-ը: Երեւանի «Արարատ» հոկեյի ակումբը Բելառուսի բարձրագույն խմբի բաց առաջնությունում տնային երկու հանդիպում անցկացրեց «Յունիորի» հետ, որից առաջինում խոշոր հաշվով պարտություն կրեց՝ 2:9, երկրորդ խաղն ավարտեց ոչ-ոքի՝ 0:0:
38 խաղից հետո «Արարատը» 71 միավորով 14 թիմերի մեջ զբաղեցնում է վեցերորդ տեղը: Ակումբների մեծամասնությունը երկու խաղ ավելի է անցկացրել:
Հաջորդ հանդիպումներում՝ հունվարի 21-ին եւ 22-ին «Արարատը» կհյուրընկալվի «Նեման-2-ին»:
Բաժանորդագրվեք մեր ալիքին Telegram-ում