ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Վրաստանի նախագահ Գեորգի Մարգվելաշվիլին չի պլանավորում ներում շնորհել Միխեիլ Սահակաշվիլիին, որը բացակա դատապարտվել Է հայրենիքում: Այս մասին, ինչպես տեղեկացնում Է «Արմենպրես»-ը, նա հայտարարել Է «Ռուսթավի 2» հեռուստաընկերությանը տված հարցազրույցում: «Ի՞նչ տրամաբանությամբ ես պետք Է ներում շնորհեմ Սահակաշվիլիին:

Դատախազությունը չի կարողանում որոշել, թե ինչպես առաջադրի մեղադրանքը, ինչպես վարի հետաքննությունը, դատավորը չի կարողանում որոշել ներման հոդվածի անօրինական կիրառման սահմանը: Եվ ի՞նչ, Վրաստանի նախագահը պետք Է ներու՞մ շնորհի եւ դրանով իսկ ուղղի՞ նրանց սխալները»,- վրդովվել Է Մարգվելաշվիլին:

Նա Սահակաշվիլիին մեղադրել Է ներկայիս համակարգի ստեղծման մեջ, որտեղ դատախազությունը եւ դատարանը «գործում են հին ավանդույթներով», եւ նոր իշխանությունն ի վիճակի չԷ վերացնելու այն: Հունվարի 5-ին Վրաստանում Սահակաշվիլիին մեղավոր են ճանաչել պետության ղեկավարի պաշտոնում լիազորությունների չարաշահման մեջ եւ բացակա դատապարտել են երեք տարվա բանտարկության: