1000х90.jpg (78 KB)

Երևանում՝ 11:07,   28 Մարտ 2024

Հայաստանի ռուսական ռազմակայանի հրետանավորները ոչնչացրել են պայմանական հակառակորդի օբյեկտները լեռներում

Հայաստանի ռուսական ռազմակայանի հրետանավորները ոչնչացրել են պայմանական հակառակորդի օբյեկտները լեռներում

ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Հայաստանի ռուսական ռազմակայանի հրետանային ստորաբաժանումների զինծառայողները մշակել են նռնականետներից ու ականանետներից պայմանական հակառակորդի խմբավորման առավել կարեւոր թիրախներին կրակային հարված հասցնելու կարգը:

Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունում, զորամիավորման նռնակաձիգների ու ականաձիգների ուսուցումն իրականացվում Է «Ալագյազ» բարձրլեռնային զորափորձարանում 2018 թվականի Բանակային միջազգային խաղերի «Հրետանային կրակի վարպետները» մրցույթի ընտրական փուլին մասնակցության նախապատրաստման շրջանակներում:

Ծովի մակարդակից ավելի քան 2000 մետր բարձրության վրա գտնվող զորափորձարանում զինծառայողները յուրացնում են ձեռքի նռնականետներից ու ականանետներից հրաձգության մեթոդները: Նռնականետների ու հրանոթների կրակի ճշգրիտ ուղղորդման եւ դրա շտկումների համար օգտագործվում են անօդաչու թռչող սարքեր, որոնք փոխանցում են արկերի ու ականների թռիչքի հետագծի կոորդինատները:

Ընթացիկ տարվա փետրվարին կանցկացվի մրցույթի ընտրական փուլը, որտեղ նռնականետների ու ականանետների հաշվարկները կմրցեն անհատական մրցավազքում եւ Էստաֆետում: Ռուսական զորամիավորման նռնակաձիգների ու ականաձիգների վարժանքներին մասնակցում են հարյուրից ավելի զինծառայողներ, դրանցում գործի Է դրված շուրջ 50 միավոր հատուկ ռազմական տեխնիկա:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]