Ադրբեջանի տարածքում հրաբխային ժայթքում է տեղի ունեցել
19:25, 16 Հունվար 2018
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Ադրբեջանի Շամախի շրջանի Գուշչու գյուղի շրջակայքում տեղի է ունեցել ցեխային հրաբխի ժայթքում: Այս մասին, ինչպես հաղորդում է «Արմենպրես»-ը, հայտնում է ադրբեջանական cebhe.info-ն:
Հրաբուխը սկսել է ժայթքել գիշերվանից և ժայթքումը դեռևս շարունակվում է:
Ժայթքման ժամանակ ցեխային լավան բարձրացել է մինչև 10 մետր և թափվել 1,5 հա տարածության վրա:
Գյուղի բնակելի տները գտնվում են հրաբխային օջախից 20-30 մետր հեռավորության վրա, և գիշերը բնակիչներն արթնացել են անսովոր բարձր աղմուկից:
Հրաբխի ժայթքման հետևանքով Գուշչու գյուղի տները և բնակիչները չեն տուժել:
Բաժանորդագրվեք մեր ալիքին Telegram-ում