«Արաբկիր» ԲԿ-ում մահացած երեխաներից մեկի մոտ վիրուսային պատկեր կար
19:07, 16 Հունվար 2018
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: «Արաբկիր» բժշկական կենտրոնում նախորդ շաբաթ մահացած երկու երեխաներից մեկի մոտ վիրուսային պատկեր է գրանցվել: «Արմենպրես»-ի հաղորդմամբ` «Ազատություն» ռադիոկայանի ֆեյսբուքյան ասուլիսին այս մասին հայտարարեց Առողջապահության նախարարության վտանգավոր և օդակաթիլային վարակների համաճարակաբանության բաժնի պետ Լիանա Թորոսյանը: Նա նշեց, որ մահացած երկու երեխաներն էլ ունեին ուղեկցող հիվանդություններ:
«Արաբկիր» բժշկական կենտրոնում հունվարին երկու աղջիկ երեխա է մահացել: Նրանցից մեկն ունեցել է սրտի բնածին արատ, մյուսը` ծանրագույն նեւրոլոգիական խնդիրներ՝ զարգացման խորը հապաղումով:
Բաժանորդագրվեք մեր ալիքին Telegram-ում