Ժամանակը Երևանում՝ 11:07:36,   2 Հուլիս 2022

Տեղեկատվության ազատության ոլորտում պատասխանատուները օրենսդրական բացեր են տեսնում

Տեղեկատվության ազատության ոլորտում պատասխանատուները օրենսդրական բացեր 
են տեսնում

ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Տեղեկատվության ազատության ոլորտում օրենսդրական բացեր կան: «Արմենպրես»-ի հաղորդմամբ` լրագրողների հետ հանդիպմանը «Ինֆորմացիաի ազատության կենտրոն» ՀԿ-ի նախագահ Լիանա Դոյդոյանն ասաց, որ այդ առումով 2017 թվականը բավական բարդ էր ոլորտի համար: «Տեղեկատվության ազատության մասին» նոր օրենքի մշակումը հարուցել էր քաղհասարակության ներկայացուցիչների մտահոգությունը: «Հասարակական կազմակերպությունները, լրագրողական համայնքը բավարարված չէին նախագծում առաջ քաշվող խնդիրներով»,-ասաց Դոյդոյանը՝ հավելելով, որ իրենց կազմակերպությունը ամբողջ տարի աշխատանքային խումբ ստեղծելու պահանջ ներկայացրեց` կլոր սեղանի շուրջ նախագծի վրա աշխատելու համար, սակայն ապարդյուն: «Տեսնենք, թե այս ամենն ինչ շարունակություն կունենա 2018 թվականին»,-նշեց Դոյդոյանը:

Ըստ նախատեսված փոփոխությունների՝ տեղեկատվության տրամադրումը կարող է մերժվել, եթե «ակնհայտորեն չի պարունակում հանրային հետաքրքրություն ներկայացնող որևէ տեղեկություն»: Մեկ այլ դրույթով՝ տեղեկատվության տրամադրումը կարող է մերժվել, «եթե  պահանջվող տեղեկության ծավալը շատ մեծ է, և դրա տրամադրումն ակնհայտորեն կհանգեցնի տեղեկություն տնօրինողի ռեսուրսների կամ ժամանակի անհամաչափ կամ անհիմն վատնման»: Հանրային հետաքրքրություն ներկայացնող կազմակերպությունները կարող են հարցմանը չպատասխանել նաև այն դեպքում, եթե 50-ից քիչ աշխատակից ունեն:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]