Խարդախության համար մեղադրվողը կալանավորվել է
12:54, 13 Հունվար 2018
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: ՀՀ ոստիկանության Էրեբունու բաժնի ծառայողների որոնողական աշխատանքի շնորհիվ` Երևանի Մովսես Խորենացու փողոցի տներից մեկից հայտնաբերվել և բերման է ենթարկվել 1963 թվականին ծնված Երևանի բնակիչ Արթուր Հակոբյանը:
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվության վարչությունից, Հակոբյանը 2017 թվականի հունիսի 7-ից Ոստիկանության էրեբունու բաժնի կողմից հետախուզվում էր խարդախության մեղադրանքով:
Նրա նկատմամբ որպես խափանման միջոց կիրառվել է կալանք: Հետախուզվողը նյութերով հանդերձ ներկայացվել է տեղի նախաքննական մարմին, ապա տեղափոխվել «Նուբարաշեն» քրեակատարողական հիմնարկ:
Բաժանորդագրվեք մեր ալիքին Telegram-ում