Վիշվանաթան Անանդը Հնդկաստանի հավաքականի կազմում կմասնակցի օլիմպիադային
12:23, 13 Հունվար 2018
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Շախմատի աշխարհի նախկին չեմպիոն Վիշվանաթան Անանդը կմասնակցի 2018 թվականի շախմատային օլիմպիադային:
«Արմենպրես»-ի հաղորդմամբ՝ 43-րդ շախմատային օլիմպիադային Հնդկաստանի հավաքականի կազմում հանդես կգա նաև աշխարհի 15-րդ չեմպիոն Վիշվանաթան Անանդը: Հնդիկ գրոսմայստերը վերջին անգամ ազգային թիմի կազմում հանդես է եկել հեռավոր 2006 թվականին:
Շախմատային 43-րդ օլիմպիադան կկայանա Վրաստանի Բաթումի քաղաքում 2018 թվականի սեպտեմբերի 23-ից հոկտեմբերի 7-ը:
Բաժանորդագրվեք մեր ալիքին Telegram-ում