Օպերային թատրոնը խաղաշրջանը կբացի «Անուշ» օպերայով
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Ալեքսանդր Սպենդիարյանի անվան օպերայի և բալետի ազգային ակադեմիական թատրոնի 2018 թվականի խաղաշրջանը կմեկնարկի փետրվարին՝ նաև շարունակելով
85-րդ թատերաշրջանում նախատեսված հոբելյանական հանդիսությունների շարքը:
«Արմենպրես»-ի հաղորդմամբ` փետրվարի 4-ին նախատեսված է տարվա առաջին ներկայացումը՝ Արմեն Տիգրանյանի «Անուշ» օպերան:
Փետրվարի 10-ին՝ Ջ. Պուչչինիի «Տոսկա» օպերան, փետրվարի 18-ին կներկայացվի Ա. Խաչատրյանի «Գայանե» բալետը, փետրվարի 22-ին Ժ. Բիզեի «Կարմեն» օպերան կարող եք վայելել հայաստանյան առաջատար օպերային արտիստների դերակատարմամբ:
Փետրվարի 24-ին բալետային ներկայացում է. նախատեսված է Ա. Ադանի «Ժիզել» ռոմանտիկական բալետը։
Փետրվար ամսվա խաղացանկը եզրափակում է Ջուզեպպե Վերդիի «Աիդա» օպերան:
Բաժանորդագրվեք մեր ալիքին Telegram-ում