Ըմբշամարտի ֆեդերացիայում կրկին ղեկավար կազմի փոփոխություններ են տեղի ունեցել
09:51, 9 Հունվար 2018
ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Հայաստանի ըմբշամարտի ֆեդերացիայի ղեկավար կազմում կրկին փոփոխություններ են եղել:
«Արմենպրես»-ի հաղորդմամբ` այս մասին հայտնում է ֆեդերացիան: Ըմբշամարտի ֆեդերացիայի գլխավոր քարտուղար Արայիկ Բաղդադյանին փոխարինել է հունահռոմեական ոճի ըմբիշ, աշխարհի չեմպիոն Վաղինակ Գալուստյանը:
Գալուստյանը 2014 թվականից զբաղեցնում է նաև Հայաստանի Հանրապետության սպորտի և երիտասարդության հարցերի նախարարության աշխատակազմի մարզական կազմակերպությունների և մանկապատանեկան սպորտի քաղաքականության վարչության պետի պաշտոնը։
Բաժանորդագրվեք մեր ալիքին Telegram-ում