1000х90.jpg (78 KB)

Երևանում՝ 11:07,   28 Մարտ 2024

Խնկո-Ապոր գրադարանը արգասաբեր տարի է ունեցել

Խնկո-Ապոր գրադարանը արգասաբեր տարի է ունեցել
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Խնկո-Ապոր անվան ազգային մանկական գրադարանում այս տարի ավանդական դարձած մի շարք հետաքրքիր միջոցառումներ են անցկացվել` «Մանկապատանեկան գրքի և երաժշտության շաբաթ»,  «Ազգային գրադարանային շաբաթ», «Գիրք նվիրելու օր» և այլ:

Այս մասին «Արմենպրես»-ի թղթակիցը զրուցել է գրադարանի տնօրեն Ռուզան Տոնոյանի հետ:

«Այս տարին բավականին հաջող էր, այցելուների պակաս բնավ չկար: Անդրադարձել ենք մանկագիրների հոբելյաններին, անցկացվել են տարբեր հանդիպումներ գրողների և երեխաների միջև,  հեքիաթապատումներ»,-նշեց տնօրենը:

Նա կարևորեց նաև «Կարդում են համալսարանականները» խորագրով ծրագիրը, որի շրջանակում երեխաների համար հեքիաթներ են ընթերցել «Արմենպրես» հայկական լրատվական գործակալության տնօրեն Արամ Անանյանը, ԱԺ պատգամավոր Մարգարիտ Եսայանը, Հայաստանում տարբեր երկրների դեսպաններ և այլք:

Այս տարի գրադարանում առաջին անգամ կազմակերպվել է նաև ամառային դպրոց:

«Երեխաները օրվա մեծ մասը գրադարանում էին անցկացնում, բավականին հագեցած ու հետաքրքիր օր էր իրենց համար, մասնակցում էին տարբեր վարպետության դասերի, ստեղծագործական մրցույթների, այցելում մշակութային կենտրոններ և այլն»,-պատմեց Տոնոյանը:

Գրադարանում գործում են չինական և պարսկական անկյուններ: Ժամանակ առ ժամանակ այդ սրահներում անդրադառնում են այդ երկրների մշակույթին:

Գալիք տարին գրադարանի համար հոբելյանական է: Այն կտոնի իր 85-ամյակը: Այդ կապակցությամբ գեղեցիկ և հիշարժան միջոցառումներ կանցկացվեն:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]