Գերման-կրտսերի «Դովլաթով» ֆիլմը վարձույթում կլինի մարտին
10:47, 28 Դեկտեմբեր 2017
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանցի ռեժիսոր Ալեքսեյ Գերման-կրտսերի «Դովլաթով» ֆիլմը, որը ներառվել Է Բեռլինի միջազգային կինոփառատոնի գլխավոր մրցանակի հավակնորդների ցուցակում, վարձույթում կհայտնվի 2018 թվականի մարտի 1-ին: Այդ մասին, ինչպես տեղեկացնում Է «Արմենպրես»-ը, ՏԱՍՍ-ին հայտնել են կինոնկարի վարձույթի կազմակերպիչները:
«Շտապում ենք հայտնել, որ ռեժիսոր Ալեքսեյ Գերման-կրտսերի «Դովլաթով» նոր ֆիլմը, որի համաշխարհային պրեմիերան կկայանա Բեռլինի 68-րդ միջազգային կինոփառատոնի շրջանակներում, Ռուսաստանում վարձույթ կմտնի 2018 թվականի մարտի 1-ին»,- նշել են նրանք:
«Դովլաթով» ֆիլմը նկարահանված Է կենսագրական մելոդրամայի ժանրում, այն պատմում Է 1971 թվականին գրողի կյանքի չորս լենինգրադյան օրերի մասին: Դովլաթովի դերում նկարահանվել Է սերբ դերասան Միլան Մարիչը:
Մյուս դերակատարների թվում են՝ Ելենա Լյադովան, Դանիլա Կոզլովսկին, Անտոն Շագինը, Արթուր Բեսչաստնին, Սվետլանա Խոդչենկովան:
Բաժանորդագրվեք մեր ալիքին Telegram-ում