Լոնդոնի կենդանաբանական այգու սրճարաններից մեկում բռնկված հրդեհի հետևանքով տուժել է 8 մարդ
17:29, 23 Դեկտեմբեր 2017
ԵՐԵՎԱՆ, 23 ԴԵԿՏԵՄԲԵՐԻ, ԱՐՄԵՆՊՐԵՍ: Լոնդոնի կենդանաբանական այգու սրճարաններից մեկում բռնկված հրդեհի հետևանքով տուժել է 8 մարդ: Ինչպես հաղորդում է «Արմենպրես»-ը` հղում կատարելով «ՌԻԱ Նովոստի»-ին, տուժածներից մեկը հոսպիտալացվել է, կան թունավորվածներ:
Ավելի վաղ տեղեկացվում էր, որ հրդեհը կլանել է սրճարանը և հարակից հատվածում գտնվող խանութը: Դեպքի վայրի հարևանությամբ է գտնվում այն հատվածը, որտեղ պահվում են կենդանիները:
Կենդանաբանական այգին փակ կլինի ամբողջ օրվա ընթացքում: Հրդեհի բռնկման պատճառը դեռ հայտնի չէ: Առայժմ հայտնի չէ՝ արդյո՞ք տուժել են կենդանիները, թե՞ ոչ:
Բաժանորդագրվեք մեր ալիքին Telegram-ում