Հայաստանի շախմատի կանանց և տղամարդկանց առաջնությունները կմեկնարկեն հունվարի 11-ին
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի շախմատի տղամարդկանց և կանանց առաջնությունները կմեկնարկեն 2018 թվականի հունվարի 11-ին:
«Արմենպրես»-ի փոխանցմամբ` 2018 թվականի հունվարի 11-23-ը Երեւանում` Տիգրան Պետրոսյանի անվան շախմատի տանը, կանցկացվեն Հայաստանի տղամարդկանց 78-րդ եւ կանանց 73-րդ առաջնությունները: Մրցաշարերի բացման հանդիսավոր արարողությունները տեղի կունենան հունվարի 11-ին` ժամը 15:00-ին: Մրցաշարերի առաջին տուրի պարտիաները կմեկնարկեն հունվարի 12-ին ժամը 15:00-ին: Մրցաշարերն անցկացվում են շրջանային մրցակարգով:
Կանոնադրության համաձայն` մրցաշարերում լավագույն արդյունք ցույց տված շախմատիստները կընդգրկվեն ազգային հավաքականների կազմեր:
Տղամարդկանց առաջնության գլխավոր մրցավարն է միջազգային կարգի մրցավար Աշոտ Վարդապետյանը, իսկ կանանցը` միջազգային կարգի մրցավար Ջուլիետա Նահատակյանը:
Բաժանորդագրվեք մեր ալիքին Telegram-ում