Ռուսաստանը ԱՄՆ-ին և Հյուսիսային Կորեային երկխոսության կոչ է արել
17:51, 16 Դեկտեմբեր 2017
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Մոսկվան երկխոսության կոչ է անում ԱՄՆ-ին և Հյուսիսային Կորեային: Ինչպես տեղեկացնում է «Արմենպրես»-ը վկայակոչելով «ՌԻԱ Նովոստին»-ն, այս մասին նշել է Ռուսաստանի փոխարտգործնախարար Սերգեյ Ռյաբկովը: Նրա խոսքով` դա հնարավորություն կտա չափազանց վտանգավոր իրավիճակից դուրս գալ:
«Փհենյանի և Վաշինգտոնի երկխոսության պատրաստակամությունը, փոխադարձ զսպվածության և դիվանագիտական առաջընթացի համար մեկնարկային կետ մշակելու ցանկությունը միայն թույլ կտա դուրս գալ ներկայիս չափազանց վտանգավոր իրավիճակից», - հայտարարել է Ռուսաստանի արտաքին գործերի փոխնախարարը:
Բաժանորդագրվեք մեր ալիքին Telegram-ում