Լավրովը Ֆրանսիայի ԱԳ նախարարի հետ քննարկել է իրադրությունը Սիրիայում
15:20, 16 Դեկտեմբեր 2017
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության և Ֆրանսիայի արտաքին գործերի նախարարներ Սերգեյ Լավրովը և Ժան-Իվ լե Դրիանը հեռախոսազրույց են ունեցել: Կողմերը քննարկել են իրադրությունը Սիրիայում և առաջիկա երկկողմ շփումների հարցը: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Հեռախոսազրույցը տեղի է ունեցել դեկտեմբերի 14-ին՝ ֆրանսիական կողմի նախաձեռնությամբ:
«Նախարարները քննարկել են լայն ոլորտներ ընդգրկող երկկողմ հարցեր, քննարկել են առաջիկայում քաղաքական շփումների օրակարգը: Միջազգային հարցերի քննարկման շրջանակում հատուկ ուշադրություն է դարձվել Սիրիայում իրավիճակին»,- ասվում է ՌԴ արտգործնախարարության հայտարարության մեջ:
Բաժանորդագրվեք մեր ալիքին Telegram-ում