Արքայազն Հարրիի եւ Մեգան Մարքլի հարսանիքը կկայանա 2018 թվականի մայիսի 19-ին
ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի արքայազն Հարրիի եւ ամերիկացի դերասանուհի ու ֆոտոմոդել Մեգան Մարքլի հարսանիքը կկայանա 2018 թվականի մայիսի 19-ին: Այդ մասին, ինչպես տեղեկացնում Է «Արմենպրես»-ը, դեկտեմբերի 15-ին Twitter-ում հայտնել Է Քենսինգթոնյան պալատի դիվանատունը, պալատ, որի տարածքում ապրում Է Հարրին, որը հինգերորդն Է բրիտանական գահի ժառանգների հերթում:
33-ամյա արքայազնի եւ 36-ամյա դերասանուհու նշանադրության մասին, որոնց սիրավեպը շարունակվում Է արդեն 16 ամիս, նոյեմբերի 27-ին հայտարարել Է Քլարենս-Հաուսը՝ Հարրիի հոր եւ բրիտանական գահի ուղղակի ժառանգորդ Ուելսի արքայազն Չառլզի գրասենյակը: Նույն օրը նորելուկ զույգը մասնակցել Է հրապարակային ֆոտոսեսիայի եւ տվել Է առաջին հեռուստահարցազրույցը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում