Զավեն Անդրիասյանը մեկնարկում է արագ և կայծակնային շախմատի Եվրոպայի առաջնությունում
ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: Լեհաստանի Կատովիցե քաղաքում տեղի կունենան Եվրոպայի արագ և կայծակնային շախմատի առաջնությունները: Մրցաշարերին Հայաստանը կներկայացնի Զավեն Անդրիասյանը:
«Արմենպրես»-ի հաղորդմամբ` այս մասին հայտնում է Հայաստանի շախմատի ֆեդերացիան:
Ընդհանուր առմամբ, Եվրոպայի առաջնություններին կմասնակցեն 1000-ից ավելի շախմատիստներ, ինչը ռեկորդային թիվ է Եվրոպայի առաջնության համար: Այսօր՝ դեկտեմբերի 15-ին, տեղի կունենա կայծակնային շախմատի առաջնությունը, որին կմասնակցեն 1041 շախմատիստ, այդ թվում՝ 63 գրոսմայստեր: Մրցաշարում առաջին դասակարգված շախմատիստն է Զավեն Անդրիասյանը:
Դեկտեմբերի 16-ին և 17-ին տեղի կունենա արագ շախմատի առաջնությունը: Արագ շախմատի առաջնությունում առաջին դասակարգված շախմատիստն է Էռնեստո Ինարկիևը:
Բաժանորդագրվեք մեր ալիքին Telegram-ում