Գրեթե 60 մարդ Է տուժել Իրանում տեղի ունեցած երկրաշարժից
16:43, 13 Դեկտեմբեր 2017
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Առնվազն 58 մարդ Է տուժել դեկտեմբերի 13-ին Իրանի հարավ-արեւելքի Քերմանի նահանգում տեղի ունեցած 6,1 մագնիտուդով երկրաշարժից: Այդ մասին, ինչպես տեղեկացնում Է «Արմենպրես»-ը, հայտնել Է «Թասնիմ» գործակալությունը:
Բոլոր տուժածները հոսպիտալացված են: Դեկտեմբերի 12-ին 6,2 մագնիտուդով մեկ այլ երկրաշարժ Է տեղի ունեցել Քերմանում, որի հետեւանքով վնասվածքներ են ստացել 17 բնակիչներ: 2017 թվականի նոյեմբերին Իրանում տեղի Է ունեցել 7,3 մագնիտուդով ավերիչ երկրաշարժ, որի հետեւանքով զոհվել Է ավելի քան 500 մարդ, եւս ավելի քան 7 հազար հոգի վնասվածքներ են ստացել, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում