Ցանցում ցույց են տվել iPhone X-ի չինական պատճենը
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Leagoo չինական ընկերությունը պատրաստվում Է ներկայացրել S9 սմարթֆոնի մոդելը: Ինչպես նշում Է The Verge պորտալը, գաջեթը գործնականում Apple-ի առաջատարի՝ iPhone X հեռախոսի կատարյալ պատճենն Է, տեղեկացնում Է «Արմենպրես»-ը:
Առաջին հայացքից երկու մոդելները տարբերելը շատ դժվար Է. S9-ի դիզայնը պատճենված Է ընդհուպ մինչեւ ամենափոքր դետալները: Այնուամենայնիվ, չինաստանցի մշակողներին չի հաջողվել իրենց սմարթֆոնը հանդերձել Apple-ի գլխավոր նորույթներից մեկով՝ անձի ճանաչման Face ID համակարգով:
Դրա փոխարեն հեռախոսի հետեւի պանելի վրա զետեղված Է մատնահետքի սքաներ: Ընկերության ներկայացուցիչների խոսքով՝ գաջեթը կարժենա 300 դոլարի սահմաններում՝ iPhone X-ից եռակի Էժան: Այդ գումարի դիմաց օգտատերը կստանա MediaTek P40 պրոցեսոր, վեց գիգաբայթ օպերատիվ հիշողություն եւ 128 գիգաբայթ ներսարված հիշողություն, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում