Սամվել Ալեքսանյանը հերքում է Սեյրան Սարոյանի հետ լարված հարաբերությունների մասին լուրերը
14:15, 13 Դեկտեմբեր 2017
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Ազգային ժողովի ՀՀԿ խմբակցության պատգամավոր Սամվել Ալեքսանյանը հերքում է մամուլում շրջանառվող տեղեկությունները իր և նույն խմբակցության պատգամավոր Սեյրան Սարոյանի լարված հարաբերությունների մասին: Ազգային ժողովում լրագրողների հետ զրույցում Սամվել Ալեքսանյանը վստահեցրեց, որ շատ լավ հարաբերություններ ունի Սեյրան Սարոյանի հետ:
«Մեր հարաբերությունները շատ լավ են: Եթե դուք չխառնեք, մեր հարաբերությունները, շատ լավ կլինեն»,- «Արմենպրես»-ի փոխանցմամբ՝ նշեց Ալեքսանյանը:
Դիտարկմանը, թե մամուլում պարբերաբար լուրեր են շրջանառվում, որ լարված հարաբերություններ ունի Սեյրան Սարոյանի հետ, Սամվել Ալեքսանյանը պատասխանեց, որ դրանք իրականությանը չեն համապատասխանում:
Բաժանորդագրվեք մեր ալիքին Telegram-ում